هدية من الحكومة للمدرسين و أصحاب المعاشات في ٢٠٢٣ ..تعرف على قيمة راتبك
مبروك لكل المعلمين كلها أيام وستقبضوا الزيادة الجديدة التي أعلنتها الحكومة في المرتبات، لكن بالطبع هذه الزيادة ستختلف من درجتك كمعلم يعني المدرس غير المدرس المساعد وهكذا.
فـ ياتري الزيادة دي هتقبضوها امتى بالظبط؟ والزيادة قد إيه ؟ وإزاي تحسب مرتبك الجديد حسب درجتك الوظيفية
قرارات مهمة أعلنها الرئيس ……. خلال الأيام اللي فاتت بخصوص مرتبات ومعاشات العاملين في الجهاز الإداري للدولة منها زيادة ١٠٠٠ جنيه في مرتب كل موظف لسة في الخدمة، وزيادة ١٥% لأصحاب المعاشات، واخيرا زيادة ٢٥% لأصحاب معاش تكافل وكرامة تحديدا.
وكتير من المعلمين المعينين بوزارة التربية والتعليم حاليًا، بيسألوا عن نسبة الزيادة الجديدة في المرتبات اللي أعلن عنها الرئيس عبد الفتاح ……. وموعد تطبيقها.
ولو انت مش عارف فـ زيادة حافز الأداء للمعلمين بالتربية والتعليم والأزهر الشريف هتكون بمبلغ ٣٠٠ جنيهً، وزيادة حافز الجودة لأعضاء هيئة التدريس بالجامعات والمعاهد والمراكز البحثية هتكون بردو ٣٠٠ جنيهاً شهريا.
مش بس كده ده كمان الرئيس حدد الحد الأدنى لإجمالي الزيادات المقررة للعاملين بالدولة وأصحاب الكادرات الخاصة وإنها متقلش عن ألف جنيه شهريًا وهيبدأ تطبيقها من شهر أبريل الجاي
طيب كدة المدرسين هيقبضوا كام بظبط بعد الزيادة؟
هقولك ياسيدي لو انت معلم مساعد هتاخد ٥٠٠٠ جنيه شهريا، ولو معلم أول هتقبض ٥٥٠٠ جنيه شهريا، والمعلم أول أستاذ هتاخد ٦٠٠٠ جنيه شهريا، أما بقى حاملي درجة الماجستير فهيقبضوا ٦٠٠٠ جنيه شهريا.
وخلى بالك الحد الأدنى لإجمالي الدخل للعاملين بالدولة لشاغلي الدرجة السادسة وما يعادلها هيكون بـ٣٥٠٠ جنيه شهريًا، أما الدرجة الثالثة التخصصية بـ ٥ آلاف جنيه، و٦ آلاف جنيه لحملة الماجستير من شاغلي نفس الدرجة، و٧ آلاف جنيه لحملة الدكتوراه.
مش بس كدة ده كمان حزمة الزيادات دي شملت إقرار علاوة دورية بنسبة ٨٪ للمخاطبين بقانون الخدمة المدنية بحد أدنى ١٢٥ جنيهًا و١٥٪ علاوة خاصة لغير المخاطبين بحد أدنى ١٢٥ جنيهًا، وزيادة الحافز الإضافي بفئات مالية بواقع ٣٠٠ جنيه للدرجات السادسة والخامسة والرابعة، و٤٠٠ جنيه للدرجات الثالثة والثانية والأولى، و٥٠٠ جنيه لشاغلي وظائف مدير عام ووكيل الوزارة ووكيل أول الوزارة.
مش بس كدة ده كمان الدكتور محمد معيط وزير المالية أن التكلفة التقديرية السنوية لزيادة الحد الأدنى للعاملين بالدولة وأصحاب الكوادر الخاصة قيمتها حوالي ١٤ مليار جنيه.
وخلي بالك المدرس اللي شغال فـ وزارة التربية والتعليم والتعليم الفني غالبا مش بيتصنف حسب للدرجات الوظيفية المتعامل بها في معظم الوزارات، ولكن الفترة اللي فاتت صدرت قرارات لمعادلة وظائف المعلمين بالدرجات الوظيفية.
والأكيد إن مجموعة قرارات جديدة أعلنها الرئيس ……. خلال الايام اللي فاتت بخصوص المرتبات والمعاشات، بعد ما أكد إن هدف الدولة الوحيد هو المواطن المصري حسين جودة حياته
وطبعا جت الزيادات دي دلوقتي عشان المصريين يقدروا يواجهوا ارتفاع الأسعار، وبعد ما سجل معدل التضخم في مصر أعلى مستوى ليه من ٥ سنين، قررت الدولة زيادة الحد الأدني للأجور بعد ساعات من رفع أسعار البنزين ثبيت السولار.
كمان الرئيس عبد الفتاح ……. منسيش أصحاب المعاشات وأعلن إنه زود ليها زيادة جديدة بنسبة ١٥% ودي هتطبق من أول إبريل الجاي.
وفي مفاجأة للمصريين اعلن “السيسي:” عن رفع حد الإعفاء الضريبي على الدخل السنوي من ٢٤ ألف جنيه ليكون بقيمة ٣٠ ألف جنيه سنويا وده من أول إبريل ٢٠٢٣.
كمان شملت الحزمة دي الفئات الاكثر احتياجًا وأعلن الرئيس عن زيادة الفئات المالية الممنوحة للمستفيدين من بر١مج تكافل وكرامة بنسبة ٢٥٪ شهرياً، واللي هتطبق عليهم من أول أبريل الجاي.
دلوقتي قولنا رأيك عن زيادة المرتبات الجديدة للموظفين والعاملين بالدولة؟
